შს მინისტრი ვახტანგ გომელაური ,,სუპერ პუმების” თვითმფრინავზე კიდევ ერთ განმარტებას აკეთებს და იმ მიზეზებს ასახელბს რის გამოც „სუპერ პუმები“ 13 ივნისის სტიქიის დროს სამაშველო დანიშულებით არ გამოიყენეს.
„სუპერ პუმებზე“ მიდის მუშაობა ეკონომიკის სამინისტროსთან. ეს არ არის იაფფასიანი ნივთი, რომ ერთ დღეში გაკეთდეს, რა თქმა უნდა, პროცედურები სჭირდება. მე არ შემიძლია ხაზი არ გავუსვა იგივე იმ განცხადებებს ამა თუ იმ მოქალაქის, გვარსა და სახელს არ დავასახელებ, თუ რატომ არ იყო გამოყენებული „სუპერ პუმები“ სამაშველო ოპერაციაში. პირველ რიგში, სამაშველო ოპერაციაში ვერ იქნებოდა გამოყენებული „სუპერ პუმები“ იქედან გამომდინარე, რომ ეს „პუმები“ იყო VIP მომსახურების და არა სამაშველო. იმას არანაირი აღჭურვილობა არ აქვს, არანაირი, რომ გამოყენებული ყოფილიყო სამაშველოდ. ეს იყო ერთ-ერთი პიროვნების გადასაადგილებლად, ასე ვთქვათ, პირველი პირის, მაშინდელი პრეზიდენტის, სავარაუდოდ. იქ არის მოწყობილი სავარძლები და უმაღლეს დონეზეა აღჭურვილი ანუ კომფორტია ძალიან მაღალი. ამას ვერ გამოვიყენებდით ჩვენ ვერანაირად სამაშველო სამსახურისთვის, რომც ყოფილიყო გამართული. შემდგომში ის აუცილებლად უნდა აღიჭურვოს - ათასი მიმართულებაა, ვთქვათ, სამაშველოსი, არის იქ ე.წ. “ლიბიოდკები“ - ამოსაყვანი ადამიანის, იქ ასევე პროჟექტორებია დასაყენებელი, რომელიც ღამე შეიძლება გამოიყენო მისი ფუნქციები. ვერტმფრენებს საერთოდ უჭირს, იშვიათია, რომ არის სპეცაღჭურვილობით, რომ ღამე იფრინოს. იქიდან გამომდინარე, ისიც არის, ქალაქში ძალიან რთულია, სადაც არის ელექტროსადენები, ასევე ხეები და ა.შ. რთულია ძალიან, დაბლა ვერ დაეშვება”, _განაცხადა გომელაურმა.
შეგახსენებთ, „სუპერ პუმას“ ტიპის ვერტმფრენები, რომლის ღირებულებც 100 მილიონ ლარს აღემატება, ფრანგული კრედიტით - 2010 წელს საქართველოს მთავრობის მიერ „სოსიეტე ჟენერალთან“ გაფორმებული სასესხო ხელშეკრულებითაა შეძენილი.