საჯარო დისკუსია თემაზე - „ახალი ინფრასტრუქტურული პროექტები საქართველოში - გარემოსდაცვითი და უსაფრთხოების ასპექტები“ ჰაინრიჰ ბიოლის ფონდის სამხრეთ კავკასიის რეგიონულ ბიუროში გაიმართა. დისკუსიაში გარემოსდაცვითი არასამთავრობო ორგანიზაციების წარმომადგენლებთან ერთად, გარემოსა და ბუნებრივი რეუსრსების დაცვის მინისტრმა გიგლა აგულაშვილმა მიიღო მონაწილეობა.
შეხვედრაზე საქართველოში ინფრასტრუქტურული პროექტების განხორციელების პრაქტიკა და მათი ხარვეზები განიხილეს. გიგლა აგულაშვილმა შეხვედრის მონაწილეებს თბილისში, 13 ივნსისს მომხდარი სტიქიის შესაძლო გამომწვევ მიზეზებსა და სავარაუდო შედეგებზე პრეზენტაცია წარუდგინა. შეხვედრა ინტერაქტიულ რეჟიმში 2 საათის განმავლობაში ცგაგრძელდა.
დისკუსიაში ასევე, მონაწილეობდნენ ქალაქმგეგმარებელი ზურაბ ბაქრაძე, გარემოს დაცვის სპეციალისტი მამუკა გვილავა, ასოციაცია "მწვანე ალტერნატივას" ბიომრავალფეროვნების პროგრამების კოორდინატორი ირაკლი მაჭარაშვილი, სანაპირო ზონის ინტეგრირებული მართვის (სზიმ) პასუხისმგებელი პირი, საქართველოში შავი ზღვის კომისიის სზიმ მრჩეველთა ჯგუფის წევრი, C/O გის და დზ საკონსულტაციო ცენტრი "გეოგრაფიკი".
