ბრიუსელში საქართველოს პრეზიდენტის ოფიციალუური ვიზიტი გრძელდება. გიორგი მარგველაშვილი ევროპის სავაჭრო-სამრეწველო პალატების გაერთიანების პრეზიდენტს შეხვდა. მხარეებმა ევროკავშირში არსებული ეკონომიკური ვითარება განიხილეს. ასევე ისაუბრეს საქართველოს ეკონომიკური ზრდისთვის ევროპული ბიზნესის დაინტერესების მნიშვნელობაზე. ოფიციალური ვიზიტის ფარგლებში გიორგი მარგველაშვილი ევროპარლამენტის საგარეო საქმეთა კომიტეტის თავმჯდომარესაც შეხვდა. საუბრის მთავარი თემა საქართველო-ევროკავშირის ურთიერთობა და მაისში დაგეგმილი აღმოსავლეთ პარტნიორობის რიგის სამიტი იყო. პრეზიდენტმა ელმარ ბროკს ევროინტეგრაციის პროცესში საქართველოს მხარდაჭერისთვის მადლობა გადაუხადა შეხვედრის დასრულების შემდეგ გიორგი მარგველაშვილმა ელმარ ბროკი საქართველოში მოიწვია.
