პოლიტოლოგი რამაზ საყვარელიძე მიიჩნევს, რომ განახლებულ სამთავრობო პროგრამაში სიახლე არაფერია და არც იყო მოსალოდნელი. როგორც ,,ჯი-ეიჩ-ენთან” საუბარში საყვარელიძე აცხადებს, სამთავრობო პროგრამები ყველაზე მნიშვნელოვანი არაა, რადგან მას ვერცერთი პოლიტიკური ძალა ვერ ასრულებს.
,,ქვეყანას ერთ დროს როცა სამეული, მართავდა, ვგულისხმობ, კიტოვანს-იოსელიან-სიგუას, ქვეყანაში იყო როგორც ეკონომიკური, ასევე პოლიტიკური კრიზისი და როცა საქართველოში ედუარდ შევარდნაძე ჩამოვიდა, მაშინ მას არანაირი პროგრამა არ წამოუდგენია, მაგრამ ქვეყანა გამოიყვანა იმ კონკრეტული მდგომარეობიდან. Aამიტომ, გულუბრყვილოები ნუ ვიქნებით და ნუ ჩავთვლით, რომ საქმე მხოლოდ პროგრამებით კეთდება.Aამ ეტაპზე მთავრობის განახლებული შემადგენლობის სამოქმედო პოროგრამაში სიახლეს არც ველოდი, რადგან პროგრამაში კარდინალური სიახლის შემთხვევაში, მინისტრთა კაბინეტის შემადგენლობაში კარდინალური ცვლილებები უნდა მომხდარიყო, რაც არ მოხდა, შევიცვალა მხოლოდ არც ისე საკვანძო მინისტრები, ამ ფონზე ლოგიკური არ იქნებოდა კარდინალურად ახალი სამთავრობო პროგრამის წარმოდგენა”, _განაცხადა საყვარელიძემ.
კითხვაზე - ხედავს თუ არა სამთავრობო პროგრმაში ცვლილებების აუცილებლობას, საყვარელიძე განმარტავს:
,,რა გითხრათ, ზემოთ ერთი მაგალითი მოგიტანეთ, სადაც პროგრამა არ იყო, მაგალითად სააკაშვილის მმართველობის დროს სამთავრობო პროგრამა იყო, თუმცა შედეგი იმ პროგრამის შესაბამისი იყო?_ იმ პროგრამაში ეწერა, რომ ციხეში აწამებდნენ ადამიანებს“? -აცხადებს საყვარელიძე, რომელიც კითხვაზე კოალიცია ,,ქართული ოცნება” გაწერილი სამთავრობო გეგმის მიხედვით მოქმედებს თუ არა, აცხადებს:
,არ ერთი პოლიტიკური ძალა გეგმის მიხედვით არ მიდის და ვერ წავა, რადგან ის ვალდებულია კონკრეტულ სიტუაციას გაუწიოს ანგარიში”, _აცხადებს საყვარელიძე ,,ჯი-ეიჩ-ენთან” საუბარში.
"ძლიერი, დემოკრატიული, ერთიანი საქართველოსთვის",- პროგრამით მინისტრთა კაბინეტი საკომიტეტო მოსმენებსა თუ ფრაქციების სხდომებზე წარსდგა. ნდობის ხელახლა გამოცხადებამდე, მათ დეპუტატებს სამოქმედო გეგმა და მიმდინარე პროექტები გააცნეს. განახლებულ მთავრობას პარლამენტმა დღეს ნდობა უნდა გამოუცხადოს.
