ყოფილი პრემიერ-მინისტრი ბიძინა ივანიშვილი აცხადებს, რომ ღარიბაშვილს საერთაშორისო ორგანიზაციები დადებითად აფასებენ და თავადაც ასე ფიქრობს.
მისი თქმით, როდესაც საუბარია შეფასებაზე, უნდა შეფასდეს მთავრობის მოღვაწეობა და არა პირადად ღარიბაშვილი.
„თუ ჩემი და გუნდის წევრების შეფასების არ გჯერათ, მე ყოველთვის პოზიტიურად ვაფასებ ღარიბაშვილს. უამრავი შეფასებები დაიდო უკვე საერთაშორისო ორგანიზაციების და ჩემი აზრი იგივეა, რაც მათი. მათ გარეშეც კარგად ვიცი, რომ გუნდი ეფექტურად მუშაობს“, - განაცხადა ბიძინა ივანიშვილმა.
მისივე თქმით, დღევანდელი მთავრობა აბსოლუტურად გამჭვირვალეა.
„დღეს ჩვენ ხალხის დაქირავებული მთავრობა გვყავს და ხალხის სამსახურში მდგომი. ამის მაგალითი უამრავია, ხახლხს უსმენენ და ხალხის ქმედებაზე რეაგირებენ. რეალური შესაძლებლობიდან უნდა შეფასდეს მთავრობის მოღვაწეობა“, - განაცხადა ივანიშვილმა და დასძინა, რომ პარლამენტში, მთავრობის ახალი შემადგენლობით დამტკიცების, არანაირი პრობლემა არ არსებობს.
