ყოფილი პრემიერი ბიძინა ივანიშვილი აცხადებს, რომ სპორტისა და ახალგაზრდობის უკვე ყოფილ მინისტრს ლევან ყიფიანს დიდ პატივს სცემს. როგორც ივანიშვილმა ჟურნალისტებთან განაცხადა მან პირადად სცადა მოეგვარებინა არსებული უთანხმოება ლევან ყიფიანსა და პარლამენტის სპორტისა და ახალგაზრდობის საქმეთა კომიტეტს შორის, მაგრამ ვერ მოახერხა.
"სპორტის მინისტრზე რამდენი ხანია დებატები მიდის, მას საკუთარ გუნდთან პრობლემები ჰქონდა. მე პირადად ძალიან მესიმპათიურება ყიფიანი ძალიან დიდ პატივს ვცემ, ძალიან განვიცადე. მეც მქონდა მცდელობა მათი შერიგების. არ მოხერხდა და პრემიერმა და თვითონ მიიღეს ეს გადაწყვეტილება", - განაცხადა ყოფილმა პრემიერმა.
ივანიშვილის განცხადებით, მისთვის გაუგებარია რატომ მოჰყვა ამხელა აჟიოტაჟი მინისტრთა კაბინეტში განხორციელებულ ცვლილებებს.
,,ერთი კაცი ავად გახა, მეორე კაცს ოჯახთან გაერთიანება მოუნდა, რატომ არის ამხელა აჟიოტაჟი აი აქ არის კითხვები, რა ხდება რატომ შფოთავთ ესე? _ განა ეს ჩვეულებრივი მოვლენები არაა? ეს რომ რომ ევროპაში მომხდარიყო არც ერთი კითხვა არ დაისმეოდა”, _დასძინა ივანიშვილმა.
