ე. წ. სამხრეთ ოსეთის ბეჭდვისა და ინფორმაციის კომიტეტის ინფორმაციით, ე. წ. სამხრეთ ოსეთის სამართალდამცავი ორგანოები მოსახლეობაში არსებული უკანონო იარაღის ამოღებას აწარმოებენ.
ე. წ. სამხრეთ ოსეთის კრიმინალური პოლიციის უფროსმა ვიტალი გასიევმა დღეს ოს ჟურნალისტებთან მოსახლეობიდან ამოღებული იარაღის დემონსტრირება მოახდინა. აღსანიშნავია, რომ ამჟამად ე. წ. სამხრეთ ოსეთის კრიმინალური პოლიციის სამსახური შენობის არქონის გამო ცხინვალის გაზის სამსახურის ერთ-ერთ შენობაშია განთავსებული, შესაბამისად, მოსახლეობიდან ამოღებული იარაღის დემონსტრირება სწორედ გაზის სამსახურის შენობაში მოხდა.
გასიევის ინფორმაციით, საცავში დაცულია მოსახლეობის მიერ ნებაყოფლობით ჩაბარებული იარაღი, ასევე სპეცოპერაციების შედეგად ამოღებული. გასიევის თქმით, იარაღი 2008 წლის აგვისტოდან ე. წ. სამხრეთ ოსეთის სამართალდამცავებმა 200 ერთეული იარაღი ამოიღეს.
