51 წლის ასაკში საქართველოს პარლამენტის წევრი თამაზ ავდალიანი გარდაიცვალა.
"საქართველოს პარლამენტი ღრმა მწუხარებით იუწყება, რომ ხანმოკლე, მძიმე ავადმყოფობის შედეგად გარდაიცვალა პარლამენტის წევრი თამაზ ავდალიანი", -იუწყება საქართველოს პარლამენტი.
თამაზ ავდალიანი 1964 წლის 16 სექტემბერს დაიბადა. თაამთავრა თბილისის ივ.ჯავახიშვილის სახ. სახელმწიფო უნივერსიტეტის სამართალმცოდნეობის ფაკულტეტი.
იყო საქართველოს ადვოკატთა კოლეგიის წევრი (1991 - 2006)
სსიპ საქართველოს ადვოკატთა ასოციაციის წევრი (2006 - 2012).
2012 წელს აირჩიეს საქართველოს პარლამენტში პროპორციული წესით ბლოკიდან "ბიძინა ივანიშვილი - ქართული ოცნება".
