ჩვენ უნდა მოვახერხოთ, რომ კონკრეტულ შედეგებს მივაღწიოთ რიგის სამიტისთვის, რომელიც 21-22 მაისს გაიმართება, - საქართველოს პრემიერ-მინისტრმა ირაკლი ღარიბაშვილმა ლატვიაში სამუშაო ვიზიტი შეაჯამა.
პრემიერმა მნიშვნელოვანი უწოდა კონფერენციაში - „ევროპის განვითარების წელი" საქართველოს მონაწილეობას და ლატვიასთან ორმხრივი მეგობრული ურთიერთობების გააქტიურების შესახებ ისაუბრა.
„ჩვენ გვაქვს სრული მხარდაჭერა ლატვიის მთავრობისგან. ჩვენ უნდა მოვახერხოთ ის, რომ სამიტისთვის მივაღწიოთ კონკრეტულ შედეგებს. არ მინდა, საზოგადებაში შევქმნა წინასწარი მოლოდინები, მაგრამ რაც ჩვენზე იქნება დამოკიდებული, ყველაფერს გავაკეთებთ. დანარჩენი დამოკიდებული იქნება საერთო კონიუნქტურაზე, საქართველოსა და ევროპაში იმ დროისთვის არსებულ ვითარებაზე", - განაცხადა ირაკლი ღარიბაშვილმა.
