საქართველოს პრეზიდენტმა გიორგი მარგველაშვილმა, ევროპარლამენტში ასოცირების ხელშეკრულების რატიფიცირების შემდეგ, სატელეფონო ინტერვიუ მისცა სააგენტო „Reuters"-ს. როგორც მარგველაშვილი განმარტავს ეს არის მნიშვნელოვანი ნაბიჯი საქართველოს მთავარი მიზნისკენ - ევროკავშირის წევრობისკენ.
,,Reuter-თან ინტერვიუში "პრეზიდენტი რუსეთის სავალუტო კრიზისსა და უკრაინის კონფლიქტსაც შეეხო და აღნიშნა, რომ ამით საქართველოს ეკონომიკაც დაზარალდა.
,, რუბლის რყევა რუსულ ბაზარზე ზოგიერთ ჩვენს პროდუქტზე, ძირითადად ალკოჰოლსა და სასმელზე აისახა. რა თქმა უნდა, ეს ქართული ღვინის პროდუქციასაც დაეტყო. ეს არის არის კატასტროფა, მაგრამ ჩვენც ვგრძნობთ რუბლით გამოწვეულ პრობლემებს", - აღნიშნა გიორგი მარგველაშვილმა.
მარგველაშვილმა საქართველოს ევროატლანტიკურ მისწრაფებების ერთგულებაზეც ისაუბრა და აღნიშნა, რომ საქართველოში დემოკრატიის დონე ამაღლდა, თუმცა ახალ პოლიტიკურ გარემოსთან შესაგუებლად ქვეყნის ოფიციალურ პირებს დრო სჭირდებოდათ.
მასალის გამოყენების პირობები
