ექსპერტი უსაფრთხოების საკითებში ხათუნა ლაგაზიძე პოზიტიურად აფასებს პრეზიდენტ გიორგი მარგველაშვილის გადაწყვტილებას დაესწროს ევროპარლამენტში საქართველო-ევროკავშირის ასოცირების ხელშეკრულების რატიფიცირების პროცესს. როგორც ,,ჯი-ეიჩ-ენთან" საუბარში ლაგაზიძემ განმარტა, მნიშვნელოვანია, ევროპამ საკუთარი თვალით იხილოს განსხვავება საქართველოს ახალ და ყოფილ პრეზიდენტებს შორის.
,,მნიშვნელოვანია იმ ფონზე, როცა აღმასრულებელი ხელისუფლების მხრიდან გაუგებარი პროტესტი დაიმსახურა ევროპარლამენტში საქართველო-ევროკავშირის ასოცირების ხელშეკრულების რატიფიცირებამ, ის რომ საქართველოს ამ ფორუმზე პრეზიდენტი წარადგენს. ქვეყნისთვის ეს იქნება მნიშვნელოვანი შანსი, მით უმეტეს, თუ ამ პროცესს სააკაშვილი დაესწრება. ევროპამ საკუთარი თვალით იხილოს განსხვავება საქართველოს ახალ და ყოფილ პრეზიდენტებს შორის. ეს ძალიან კარგი შანსია ხელისუფლებისთვის წარმოაჩინოს საკუთარი უპირატესობა სააკაშვილის ფონზე", _აცხადებს ,,ჯი-ეიჩ-ენთან" საუბარში ლაგაზიძე.
მისივე განმარტებით, საქართველოსთვის ძალზედ მნიშვნელოვანია ევროპის მხარდაჭერა რუსეთში მიმდინარე პროცესების ფონზე.
"ყველა თვალსაზრისით ახლა გვჭირდება სწორედ ევროპის დახმარება, იმიტომ რომ რუსეთში არსებული ფინანური კრიზისი გამოძახილს, დიდი ალბათობით საქართველოშიც ჰპოვებს", _განაცახდა ლაგაზიძემ.
მასალის გამოყენების პირობები
