თბილისში, გაჩენილი ხანძრის შედეგად ორი ადამიანი დაშავდა.შემთხვევა ვაჟა ფშაველას ქუჩაზე სამედიცინო უნივერსიტეტის მიმდებარე ტერიტორიაზე მოხდა. როგორც ,,ჯი-ეიჩ-ენს" თბილისის საგანგებო სიტუაციების მართვის სამსახურში განუცხადეს შეტყობინება ხანძრის შესახებ 16:01 საათზე შევიდა და ადგილზე ორი სახანძრო მანქანა გამოცხადდა.
მათივე ინფორმაციით, ცეცხლი წიწვოვან მცენარეებს გაუჩნდათ. შემთხვევის შედეგად ორი ადამიანი სახეზე მსუბუქად დაშავდა და ისინი ამ დროისთვის საავადმყოფოში არიან გადაყვანილი.
თბილისის საგანგებო სიტუაციების მართვის სამსახურის ინფორმაციით, ხანძარი უკვე ლიკვიდირებულია.
ხანძრის გამომწვევი მიზეზები, ჯერჯერობით, უცნობია.
მასალის გამოყენების პირობები
