პარლამენტის ნდობის ჯგუფი უახლოეს მომავალში პრემიერ-მინისტრს გარკვეულ დოკუმენტებზე საიდუმლო გრიფის მოსახსნელად მიმართავს.
საუბარია შინაგან საქმეთა და თავდაცვის სამინისტროებში, ასევე სახელმწიფო დაცვის სპეციალურ სამსახურში 2011-2012 წლებში განხორციელებულ საიდუმლო შესყიდვების ამსახველ საბუთებზე. აღნიშნული გადაწყვეტილება ნდობის ჯგუფმა დღევანდელ შეხვედრაზე მიიღო.
„ძალიან ბევრი ხელშეკრულებაა ისეთი, რომელიც ვერ ვხვდები, რატომ უნდა ყოფილიყო საიდუმლო, რა იყო ინტერესი იმის, რომ ეს კონტრაქტები, ეს შესყიდვები ყოფილიყო საიდუმლო", - აცხადებს უმრავლესობის წევრი დავით საგანელიძე.
მასალის გამოყენების პირობები
