საქართველოში საფრანგეთის ელჩი სალენსის განცხადებით, ის განვითარებული პროცესების მიუხედავად პატივს სცემს ყოფილ მინისტრებს ფანჯიკიძეს, ალასანიასა და პეტრიაშვილს.
,,რაც არ უნდა მოხდეს მე პატივს ვცემ ბატონ ალასანიას, ქალბატონ ფანჯიკიძეს და ბატონ პეტრიაშვილს, იმიტომ რომ ისინი ჩვენი პარტნიორები არიან და მუშაობდნენ საქართველოს საგარეო კურსზე ორი წლის განმავლობაში. Mმე ყოველთვის მოხარული ვიქნები მათთან მუშაობით", _განაცხადა ელჩმა.
მისივე თქმით, აუცილებელია გაიფანტოს ის ეჭვები, რომელიც პროკურატურასთან მიმარტებით არსებობს.
შეგახსენებთ, რომ ქვეყნის საგარეო კურსი იყო მთავარი თემა პრემიერისა და დიპლომატების შეხვედრაზე. ირაკლი ღარიბაშვილის ინიციატივით, ელჩებთან აუდიენცია სასტუმრო „თბილისი მარიოტში" გაიმართა.
მთავრობის მეთაურმა დიპლომატიურ კორპუსს ქვეყანაში მიმდინარე პროცესების შესახებ ინფორმაცია მოაწოდა.
