საგარეო საქმეთა უკვე ყოფილი მინისტრი მაია ფანჯიკიძე ყველა ელჩს მოუწოდებს განვითარებული პროცესების მიუხედავად ჩვეულ რეჟიმში გააგრძელონ მუშაობა. თუმცა როგორც ფანჯიკიძემ ჟურნალისტებთან გავრცელებული ინფორმაციის საპასუხოდ განაცხადა ყველა ელჩი არის დამოუკიდებელი ფიგურა, თავად გადაწყვეტენ, რა უნდა გააკეთონ.
"მე არ ვიცი, რა ცნობებს ეყრდნობა ეს ინფორმაცია, მსგავსი ინფორმაცია არ მაქვს. ყველა ელჩი არის დამოუკიდებელი ფიგურა, თავად გადაწყვეტენ, რა უნდა გააკეთონ. მე ზოგიერთ მათგანთან მქონდა საუბარი და მოვუწოდებ ყველას, გააგრძელონ მუშაობა, რომ საქმე არ დაზიანდეს", - განაცხადა ფანჯიკიძემ.
შეგახსენებთ, რომ გვრცელებული ინფორმაციის თანახმად, რამდენიმე ელჩი თანამდებობის დატოვებას გეგმავს.
