ამერიკის ყოფილი ელჩი ნატოში და ამჟამად მაკკეინის ინსტიტუტის აღმასრულებელი დირექტორი კურტ ვოლკერი "ამერიკის ხმისთვის" მიცემულ ინტერვიუში აცხადებს, რომ თავდაცვის ყოფილი მინისტრის ირაკლი ალასანიას გათავისუფლება საქართველოს პოლიტიკურ ორიენტაციის შეცვლას არ უკავშირდებოდეს.
„არაფერი უშლის მთავრობას ხელს იმაში, რომ დანიშნოს ახალი თავდაცვის მინისტრი, რომელიც გააგრძელებს ნატოსა და ევროკავშირში გაწევრიანების პოლიტიკას. არ მგონია, რომ მისი გათავისუფლება პირდაპირ უკავშირდებოდეს საქართველოს პოლიტიკურ ორიენტაციას. ამ ყველაფერს უფრო საქართველოს შიდა პოლიტიკას ვუკავშირებ. ვფიქრობ, რომ მთავრობაში ამჟამად მყოფ ზოგიერთ ადამიანს და მთავრობიდან ახლა უკვე წასულ პრემიერ-მინისტრს მისი პოლიტიკიდან განდევნა სურთ და ამის მიღწევას გამოძიების დაწყებით და ალასანიას საჯარო დისკრედიტაციით ცდილობენ", _აცხადებს ყოფილი ელჩი.
ვოკლერს მიაჩნია, რომ პრემიერ-მინისტრმა ირაკლი ღარიბაშვილმა ალასანია პოლიტიკური ზეწოლის გამო დაითხოვა და არა იმიტომ, რომ გამოძიებამ ის კორუფციაში დამნაშავედ სცნო.
