ეს არის პროცესი, რომელსაც ჩვენ აუცილებლად ღიად და გამჭვირვალედ ჩავატარებთ, - ამის შესახებ, თბილისის მერმა დავით ნარმანიამ ჟურნალსიტებს, მერიაში მოახლოებული ატესტაციის შესახებ, მთავრობის სხდომის დასრულების შემდეგ განუცხადა.
მისი თქმით, ტესტირების პროცესზე დაკვირვების მსურველმა არასამთავრობო ორგანიზაციებმა, გამოცდების ეროვნულ ცენტრს უნდა მიმართონ.
როგორც დავით ნარმანია განმარტავს, ტესტირების პროცესთან თბილისის მერიას არანაირი შეხება არ აქვს, პროცესს მთლიანად გამოცდების ეროვნული ცენტრი ჩაატარებს.
შეგახსენებთ, თბილისის მერიის თანამშრომელთა ატესტაციის პირველი ეტაპი, რომელიც ტესტირებას მოიცავს, 1-ელ ნოემბერს ჩატარდება. მუნიციპალუტეტის იმ თანამშრომლებს კი, რომლებიც პირველ ეტაპს გადალახავს, მეორე ეტაპი, გასაუბრება ერთი კვირის ვადაში ჩაუტარდებათ.