სასწრაფო სამედიცინო დახმარების ცენტრისთვის 180 ახალი მანქანის გადაცემა კიდევ უფრო გააუმჯობესებს ჯანდაცვას და მოსახლეობის მომსახურებას, - ამის შესახებ საქართველოს პრემიერ-მინისტრმა ირაკლი ღარიბაშვილმა მთავრობის დღევანდელ სხდომაზე განაცხადა.
მთავრობის მეთაურის თქმით, ავტოპარკი მთელი საქართველოს მასშტაბით განახლდება და ყველა რეგიონში იქნება თანამედროვე ტიპის სასწრაფო დახმარების მანქანები.
პრემიერ-მინისტრმა ჯანდაცვის მინისტრს და მოსახლეობას ამ მნიშვნელოვანი პროექტის განხორციელება კიდევ ერთხელ მიულოცა.
სახელმწიფომ სასწრაფო სამედიცინო დახმარების ცენტრის ავტოპარკის განახლების მიზნით 180 ავტომანქანა შეიძინა, რისთვისაც ჯამში 11 მილიონამდე ლარი გამოიყო.
მასალის გამოყენების პირობები
