შინაგან საქმეთა მინისტრის მოადგილე ვახტანგ გომელაური სახელმწიფო უსაფრთხოების სამსახურის, აფხაზეთის სამმართველოს შენობაზე თავდასხმას გამორიცხავს.
მისი ინფორმაციით, აფეთქება წყლის ავზის გახეთქვამ გამოიწვია, რასაც კედლის ნგრევა მოჰყვა.
"გავრცელდა ინფორმაცია, რომ სპეცდანიშნულების ბაზაზე მოხდა თავდასხმა და აფეთქება, რაც სიცრუეა. არანაირი თავდასხმა არ მომხდარა. უბრალოდ, მოხდა ცხელი ორთქლის დაგროვება, რამაც გამოიწვია ავზის გახეთქვა და კედლის ნგრევა", - განაცხდა გომელაურმა.
ზუგდიდში, გვიან ღამით, 00:30 საათზე, მომხდარ აფეთქებას ერთი ადამიანის სიცოცხლე ემსხვერპლა. დაღუპულია უწყების ერთ-ერთი სამმართველოს ხელმძღვანელი ზვიად ლაგვილავა.
აფეთქების ადგილზე ექსპერტ-კრიმინალისტები მთელი ღამის განმავლობაში მუშაობდნენ.
მომხდართან დაკავშირებით, შინაგან საქმეთა სამინისტრო ოფიციალურ ინფორმაციას მოგვიანებით გაავრცელებს.
