13 ოქტომბერს, 17:00 საათზე, თსუს პირველი კორპუსის 115-ე აუდიტორიაში გაიმართება წიგნის ,,ახალგაზრდული მოძრაობის ქრონიკები საქართველოში'' - პრეზენტაცია.
წიგნში თავმოყრილია 1956 წლის 9 მარტის, 1978 წლის 14 აპრილისა და 1989 წლის 9 აპრილის მოვლენების მონაწილეთა ზეპირი ისტორიები, ასევე, ის დოკ-უმენტური მასალა, რომლის მოძიებაც არქივებსა თუ ჩვენი რესპოდენტების პირად კოლექციებში შევძელით. ზეპირი ისტორიების ავტორები ძირითადად უნივერსიტეტის ყოფილი სტუდენტები, პროფესორ-მას-წავლებლები, დისიდენტური მოძრაობის წევრები თუ ჩვეულებრივი მოქალაქეები არიან. წიგნში ასევე წარმოდგენილია განვითარებული მოვლენების მეცნიერული შეფასება, მათ შორის, დასავლური პოსტ-ინდუსტრიული საზოგადოების სოციო-პოლიტიკური დისკურსის ანალიზი.
პროექტი არის მცდელობა, თავი მოუყაროს მასალას საქართველოს უახლეს ისტორიაში განვითარებული მნიშვნელოვანი მოვლენების შესახებ, რაც, იმედია, მომავალში უფრო ვრცელი სამეცნიერო კვლევის საფუძველი გახდება.
პროექტის ფარგლებში შეიქმნა ვებ-გვერდი: ,,საქართველოს მეხსიერების ბანკი'', მომზადდა დოკუმენტური ფილმი. ვებ-გვერდზე ელექტრონულად იქნება განთავსებული ის მასალები, რაც წიგნში იქნება წარმოდგენილი. მაგრამ ამავდროულად, ვებ-გვერდს ექნება ფუნქცია დაემატოს უახლეს ისტორიაში მომხდარი მნიშვნელოვანი მოვლენა. მოქალაქეებს კი მიეცემათ საშუალება საკუთარი ზეპირი ისტორიები გააგზავნონ განსათავსებლად, რადგან წიგნი ყველას ისტორიას ვერ მოიცავს, ხოლო ვებ-ვერდი ყველა მსურველს მისცემს საშუალებას საკუთარი მოგონება სხვებსაც გაუზიაროს. საბოლოოდ შეიქმნება საქართველოს უახლესი ისტორიის ამსახველი ერთიანი სივრცე.
პროექტის მხარდამჭერია ფონდი ,,ღია საზოგადოება საქართველო''.