კლუბებს ფინანსურად ფეხბურთის ფედერაცია დაეხმარება. სფფ-ის პრესსამსახურის ინფორმაციით, დღეს, შედგა ტრადიციული შეხვედრა საქართველოს ფეხბურთის ფედერაციის ხელმძღვანელებსა და საქართველოს ეროვნული ჩემპიონატის უმაღლესი და პირველი ლიგის კლუბების ხელმძღვანელებს შორის.
შეხვედრაზე განიხილეს შექმნილი მდგომარეობა: რადგან მიღებული დაპირებების შესრულებაზე კლუბებს უარი ეთქვათ და ზოგადი ფინანსური მდგომარეობა არცთუ სახარბიელოა, ფეხბურთის ფედერაციამ გადაწყვიტა, მოიძიოს საჭირო სახსრები და ამ წლის 31 დეკემბრამდე კლუბებს თავად გაუწიოს ფინანსური დახმარება.
შესაბამისად, თანხების მოძიების შემდეგ, უმაღლესი და პირველი ლიგის ყველა კლუბი მიიღებს გარკვეულ თანხას. ამასთან, მომავალ 2015 წელს, ფედერაცია შეასრულებს დაპირებას და კლუბებს კვლავ დაეხმარება.
