საქართველოს პრემიერ-მინისტრმა ირაკლი ღარიბაშვილმა გაერო გენერალურ ასამბლეაზე გამოსვლისას განაცხადა, რომ თბილისი მზადაა რუსეთთან ურთიერთობის გასაღრმავებლად. რადიომსმელებს შევახსენებთ, რომ რუსეთ-საქართველოს ურთიერთობა მკვეთრად გაუარესდა 2008 წლის აგვისტოში მომხდარი შეირაღებული კონფლიქტის შედეგად, როცა მოსკოვმა აფხაზეთისა და სამხრეთ ოსეთის დამოუკიდებლობა აღიარა. პრეზიდენტის პოსტიდან მიხეილ სააკაშვილის წასვლის შემდეგ საქართველოს ახალი ხელისუფლება მოსკოვთან მშვიდობიანი, ნორმალური კავშირების აღდგენას შეუდგა.
რამდენად გულწრფელადაა დაინტერესებული საქართველო რუსეთთან ურთიერთობის აღდგენით და არის თუ არა მასში ეკონომიკური ინტერესები? პოლიტოლოგ იური სვეტოვის კომენტარი:
იური სვეტოვი: „როგორც კი რუსეთმა საქართველოს მიმართ ეკონომიკური შეზღუდვები გააუქმა, ორივე სახელმწიფოს შორის ვაჭრობის დონე 300%-ით გაიზარდა. საქართველოსთვის გაჩნდა შესაძლებლობა, რომ სოფლის მეურნების პროდუქცია რუსულ უზარმაზარ ბაზარზე იქნეს გატანილი. ანუ ამ თვალსაზრისით ქართველმა გლეხებმა შვებით ამოისუნთქეს. შესაბამისად, თბილისის ნაბიჯები სავსებით ლოგიკური და გასაგებია - ქართველებს ჩვენი ბაზარი სურთ. ეკონომისტები ამბობენ, რომ ქართული ექსპორტის მოცულობა რუსეთში მხოლოდ გასულ წელს ოთხჯერ გაიზარდა".
მასალის გამოყენების პირობები
