,,პარლამენტში საქმიანობას ვაპირებ, როგორც ოპოზიციის ერთ-ერთი ფლაგმანი", _ამის შესახებ, ,,ქართული ოცნების" უკვე ყოფილმა წევრმა მურმან დუმბაძემ ჟურნალისტებთან კოალიცია ,,ქართული ოცნების" პოლიტსაბჭოს სხდომის დასრულების შემდეგ განაცხადა.
მისივე განმარტებით, უახლოეს პერიოდში აჭარის უმაღლეს საბჭოს ფრაქცია ,,ქართული ოცნება" დაიშლება.
,,მე როცა მითხრეს, რომ პარტიიდან გარიცხული ხარ, მე ვუთხარი რომ დააგვიანეთ, იმიტომ რომ მთავარი საკითხი აქ იყო რეგინის მთავრობისთვის უნდობლობის პროცედურის მხარდაჭერა პოლიტსაბჭოსა და მთავრობის მიერ. Mმე დავსვი შეკითხვა უჭერს თუ არა ის მხარს აჭარის უმაღლეს საბჭოს განახორციელოს თავისი კონსტიტუციური უფლებამოსილება უნდობლობა გამოუცხადოს აჭარის მთავრობას და დაიწყოს შესაბამისი პროცედურები. ისინი ამბობდნენ, რომ კატეგორიულად არ ეთანხმებიან აჭარის უმაღლესი საბჭოს ამ გადაწყვეტილებას", _განმარტა დუმბაძემ ჟურნალისტებთან საუბრისას.
პარლამენტის ვიცე-სპიკერი კოალიცია ,,ქართული ოცნების" უკვე ყოფილი წევრი მურმან დუმბაძე დღევანდელი პოლიტსაბჭოს სხდომის გადაწყვეტილებით, ,,ქართული ოცნებიდან" გარიცხეს.
,,მურმან დუმბაძე გარიცხულია ქართული ოცნებიდან! " - განაცხადა ირაკლი ღარიბაშვილმა.
პრემიერის თქმით, დუმბაძე უხეშად ერეოდა აჭარის მთავრობის საქმიანობაში.
კოალიცია ,,ქართული ოცნების" ცენტრალურ ოფისში პოლიტსაბჭოს სხდომა გაიმართა, სადაც სხვა საკითებთან ერთად განიხილეს აჭარის უმაღლესი საბჭოს ფრაქცია „ქართული ოცნების" თვითნებური ქმედება.
