ვიცე-სპიკერი მანანა კობახიძე პრეზიდენტ გიორგი მარგველაშვილის გადაწყვეტილებას ეხმიანება და მისი მხრიდან განმარტება გაეროში ვიზიტის ჩაშლასთან დაკავშირებით არასწორად მიაჩნია. როგორც კობახიძე აცხადებს, მარგველაშვილის გადაწყვეტილება გონივრულია.
,, არა მგონია ვიზიტის ჩაშლა, ეს იყოს სწორი შეფასება და ჩვენ არ უნდა შეუწყოთ ხელი ურთიერთობის გამწვავებას. პირიქით, ვთქვათ, რომ ეს ვიზიტი გაუქმებული სწორედ იმ მოსაზრებიდან გამომდინარე, რომ მიზანშეწონილი არ იყო გაეროშო ერთი ქვეყნიდან ორი უმაღლესი დონის დელეგაციის გამგზავრება. ასეთი რამ არ ხდება, არ მომხდარა და ვფიქრობ, გონივრულია გადაწყვეტილება", _აცხადებს კობახიძე.
პრეზიდენტი გიორგი მარგველაშვილის გაეროში აღარ გაემგზავრება. როგორც მარგველაშვილმა განაცხადა მოხდა ორგანიზებული მუშაობა მისი აშშ-ში ვიზიტის საწინააღმდეგოდ.
,,სამწუხაროდ, მოხდა ძალიან ორგანიზებული მუშაობა საქართველოს პრეზიდენტის ვიზიტის საწინააღმდეგოდ და მინდა გითხრათ რომ ამ მუშაობის შედეგად, სამწუხაროდ, ვიზიტი ამერიკაში არის ჩაშლილი. ეს არის რეალურად, ჩემი აზრით, არასწორი ნაბიჯი, რომელიც გადაიდგა პრეზიდენტი ინსტიტუტის საპირისპიროდ", _განაცხადა მარგველაშვილმა.
მისი თქმით, დაპირისპირება სამწუხაროდ გადავიდა პრობლემურ დაპირისპირებაში.
"გუშინ შევხვდი საგარეო საქმეთა მინისტრს მაია ფანჯიკიძეს და მქონდა განცდა, რომ ჩვენ მივდივართ სიტუაციის დალაგებისკენ. მაგრამ მოხდა ძალიან სერიოზული ორგანიზებული მუშაობა პრეზიდენტის ვიზიტის საწინააღმდეგოდ და ამ მუშაობის შედეგად, სამწუხაროდ, პრეზიდენტის ვიზიტი ამერიკაში არის ჩაშლილი. ეს არის არასწორი ნაბიჯი, რომელიც გადაიდგა პრეზიდენტის ინსტიტუტის საწინააღმდეგოდ, ეს არის არა სახელმწიფოებრივი ინტერესებიდან, არამედ, გარკვეული უწყებრივი დაპირისპირებიდან გამომდინარე", - განაცხადა მარგველაშვილმა.
