"EuroBasket 2015"-ს საფრანგეთი უმასპინძლებს. ჩემპიონატი 5 სექტემბრიდან 20 სექტემბრამდე გაიმართება და ის საფრანგეთის რამდენიმე ქალაქში ჩატარდება. უკვე ცნობილია, რომ მატჩები პარიზში, ლიონში, სტრასბურგში და დიუნკერკში გაიმართება.
ტურნირში 24 ქვეყნის ნაკრები მიიღებს მონაწილეობას და მათ შორისაა საქართველოს საკალათბურთო ნაკრები, რომელიც ჯგუფში პირველ ადგილზე იმყოფება. როგორც ცნობილია „EuroBasket 2015"-ი უკრაინაში უნდა ჩატარებულიყო, თუმცა ქვეყანაში განვითარებული მოვლენებისა და კრიზისის ფონზე, ქვეყანამ ჩემპიონატის მასპინძლობაზე უარი განაცხადა.
„EuroBasket 2015"-ის მასპინძლობაზე, 8 ქვეყანა აცხადებდა პრეტენზიას, თუმცა საბოლოოდ არჩევანი საფრანგეთზე გაკეთდა.
კალათბურთში ევროპის ჩემპიონატის მასპინძლობა თურქეთს, საფრანგეთს, გერმანიას, ფინეთს, ლატვიას, პოლონეთს, ისრაელს და ხორვატიას სურდათ.
