მოსკოვის მეტროპოლიტენში მომხდარ აფეთქებებთან დაკავშირებით რუსეთის გენპროკურატურამ სისხლის სამართლის საქმე "ტერორიზმის" მუხლით აღძრა
მოსკოვის მეტროპოლიტენში მომხდარ ორ აფეთქებასთან დაკავშირებით რუსეთის ფედერაციის გენპროკურატურამ სისხლის სამართლის საქმე "ტერორიზმის" მუხლით აღძრა. განცხადება ამის შესახებ დღეს რუსეთის გენპროკურატურასთან არსებული საგამოძიებო კომიტეტის ოფიციალურმა წარმომადგენელმა ვლადიმერ მარკინმა გააკეთა.
"ამჟამად შემთხვევის ადგილზე საგამოძიებო კომიტეტის საგამოძიებო ჯგუფი მუშაობს. დგინდება აფეთქებების ყველა გარემოება, მიმდინარეობს ოპერატიულ-სამძებრო და საგამოძიებო მოქმედებები.
აღსანიშნავია, რომ ამ მუხლით აღძრული სისხლის სამართლის საქმე სასჯელის უმაღლეს ზომას 20 წელს ან სამუდამო პატიმრობას ითვალისწინებს.
შეგახსენებთ, რომ ამ დროისათვის არსებული ინფორმაციით, მოსკოვის მეტროპოლიტენის ორ სადგურზე მომხდარმა აფეთქებამ 40-მდე ადამიანის სიცოცხლე იმსხვერპლა. მსხვერპლის ზუსტი თარიღი ჯერ ჯერობით საბოლოოდ დადგენილი არ არის.
