დეპუტატი ჯონდი ბაღათურია პარალმენტში სამთავრობო საათზე ფინანსთა და ჯანდაცვის მინისტრების დაბარებას ითხოვს. ეს მოთხოვნა ჯონდი ბაღათურიამ დღეს სესიაზე გააკეთა. როგორც მან აღნიშნა, კვლავ მოუგვარებელია პრობლემა, რომელიც შეეხება სახალხო ბანკის მიერ პენსიონერებისათვის პენსიის წინასწარი გაცემისთვის დაწესებულ საფასურს.
ბაღათურია აღნიშნავს, რომ სახალხო ბანკს ამ მომსახურეობისათვის დაწესებული აქვს 36 პროცენტიანი განაკვეთი და ეს თანხა არის წარმოუდგენლად მაღალი, მით უმეტეს, რომ საქმე ეხება სოციალურად დაუცველ კატეგორიას. ამ კატეგორიაში კი 832 ათასი პენსიონერი შედის.
ამასთან ბაღათურია აქცენტს აკეთებს იმაზე რომ სახალხო ბანკს პენსიების გაცემის ექსკლუზიური უფლება გააჩნია და იმის გამო რომ პენსიონერებს არჩევანის გაკეთების საშუალება არ აქვთ "ბანკი პენსიონერებს ძარცვავს და უმოწყალოდ იდებს ჯიბეში ამ ადამიანების საარსებო კაპიკებს".
ბაღათურია აცხადებს, რომ არნიშნულ სკაითხთან დაკავშირებით მან უკვე გაუგზავნა მიმართვები კონტროლის პალატას, პროკურატურას და თავად სახალხო ბანკის ხელმძღვანელობას. "კონტროლის პალატიდან მოვიდა დააკვნა, რომელიც უნდა ითქვას, რომ არის ობიექტური დასკვნა და იდენტურია ჩვენი პოზიციისა, რაც იმას ნიშნავს, რომ პრობლემაა ამ ბანკის საქმიანობასთან დაკავშირებით და აუცილებელია ამ საკითხით ხელისუფლება აინტერესდეს" - აცხადებს ბაღათურია. და მიიჩნევს, რომ მთავრობამ სახალხო ანკთან პენსიების დარიგებასთან დაკავშირებით გაფორმებული კონტრაქტი უნდა გაწყვიტოს და აღნიშნულ სკაითხთან დაკავშირებით ტენდერი თავიდნა გაომაცხადოს. სწორედ ამიტომ იგი ითხოვს, რომ პარალმენტი აქტიურად ჩაერიოს ამ საკითხში და სამთავრობო საათზე დაბარებულ იქნან ფინანსთა და ჯანდაცვის მინისტრები, რომლებიც დეპუტატებს დაწვრილებით ინფორმაციას მიაწოდებენ აღნიშნულ პრობლემასთან დაკავშირებით.
პარალმენტის თვამჯდომარე კი ბაღათურიას ურჩევს, რომ ისარგებლოს დეპუტატის უფლებით და სამთავრობო საათზე მისთვის სასურველი მინისტრების დაბარება რეგლამენტით გათვალისწინებული წესით მოითხოვოს.