უკრაინის შს მინისტრი არსენ ავაკოვი აცხადებს, რომ უკრაინას სამი თვის წინ ის ჯარი რომ ჰყოლოდა, რომელიც ახლა რომ ჰყავს, ყირიმის წართმევა ვერ მოხერხდებოდა. მისივე თქმით, ადრე ბრძოლისუნარიანი იყო 120 ადამიანი, ახლა კი 450 სპეცრაზმელია.
ავაკოვი ასევე დარწმუნებულია,, რომ მაშინ უკრაინას ბრძოლისუნარიანობის ისეთი დონე რომ ჰქონოდა როგორიც ახლა აქვს პუტინი უკრაინის ტერიტორიაზე შეჭრას ვერ გაბედავდა.
„ეს ის სიტუაციაა, რომელსაც არავინ ელოდა და რომელშიც ჩვენ აღმოვჩნდით მაშინ, როდესაც არც ნორმალური შეიარაღებული ძალები გვყავდა და არც ზურგი... ვამტკიცებ, რომ სამი თვის წინ ისეთი ჯარი რომ გვყოლოდა როგორიც ახლა გვყავს არავითარი პუტინი არავითარ ყირიმს ვერ წაიღებდა",_ აცხადებს მინისტრი და აღნიშნავს, რომ ერთი თვის წინ ნაციონალურ გვარდიას არც ერთი ჯავშანმანქანა არ ჰყავდა.
„ზუსტად ერთი თვის წინ ნაციონალურ გვარდიას 0 რაოდენობის ჯავშანმანქანა ჰყავდა. ახლა კი 53 ჰყავს. ბრძოლისუნარიანი 120 ადამიანი გვყავდა, ახლა კი სპეცდანიშნულების რაზმის 450 წევრია",_ აცხადებს მინისტრი.