რუსეთის ლიბერალურ დემოკრატიული პარტიის ლიდერი ვლადიმერ ჟირინოვსკი აცხადებს, რომ რუსეთის დუმა ყველა ხელშეკრულების რატიფიკაციას მოახდენს, რომელიც რუსეთსა და აფხაზეთსა და რუსეთსა და ე.წ. სამხრეთ ოსეთს შორისაა გაფორმებული.
"ყველაფრის რატიფიკაციას მოვახდენთ. რუსი მესაზღვრეები იმდენად მედგრად იდგებიან საქართველო აფხაზეთის საზღვარზე, რომ იქ თაგვიც ვერ გაძვრება და ჩიტიც ვერ გადაფრინდება. ცხინვალიდან თბილისამდე 60 კილომეტრია, ეს კი ერთი საარტილერიო გასროლაა, საქართველო კონტროლის ქვეშაა და ეს არანაირი დარღვევა არ არის. ჩვენ ვიცავთ ჩვენს სამხრეთ საზღვრებს ასე რომ შეგვეშვით", _ აცხადებს ჟირინოვსკი.
აღსანიშნავია, რომ რუსეთის სათათბირო საქართველოს ოკუპირებული რეგიონების ე.წ. სახელმწიფო საზღვრების დაცვის შესახებ ხელშეკრულების რატიფიკაციას მოახდენს. ხელშეკრულების მოქმედების ვადა 5 წლით განისაზღვრება და მისი მოქმედების ვადის გაგრძელება ავტომატურად მოხდება. შეთანხმების თანახმად, რუსეთს უფლება ენიჭება ე.წ. სახელმწიფო საზღვრები სრულად გააკონტროლოს, მათ შორის საზღვაო აკვატორიაც. ოკუპირებული ტერიტორიების ადმინისტრაციული საზღვრების მთელს პერიმეტრზე რუსეთის ფედერაციის უშიშროების სამსახურის წარმომადგენლები განლაგდებიან.
დოკუმენტში აფხაზეთსა და ე.წ. სამხრეთ ოსეთში რუს აგრესორთა მესაზღვრეების სტატუსი და პირობებიცაა გაწერილი. აფხაზეთთან და ე.წ. სამხრეთ ოსეთთან გაფორმებული შეთანხმებების განხილვის წინადადებით დუმას პრეზიდენტმა მედვედევმა მიმართა.