სეტყვამ დუშეთში რამდენიმე სოფელი გარე სამყაროს მოწყვიტა. დუშეთის მუნიციპალიტეტის სოფელი ქერიაანთკარი წუხანდელს მერე გარე სამყაროს მოსწყდა.
ძლიერმა სიტყვამ და წვიმებმა მთლიანად ჩამოშალა დამბა და ხიდი, რომელიც სოფელთან მისასვლელ მონაკვეთს (1,8 კმ) ბულაჩაურის ცენტრალური გზასთან აკავშირებდა. იგივე გზით სარგებლობს ნაწილობრივ ლაფანაანთკარის თემის სხვა სოფლებიც. მოსახლეობა შველას ითხოვს. "მისასვლელი გზა აღარ არსებობს. მუნიციპალიტეტმა რასაკვირველია იცის ყველაფერი, თუმცა ჯერჯერობით არავითარი ღონისძიება არ გატარებულა... დამბა აქ ადრეც ჩამოშლილა, თუმცა აკეთებდნენ ხოლმე. ყოველწიულრად ტარდებოდა ე.წ. კოსმეტიკური შეკეთება. მაგრამ არც შანშან და არც წელს არაფერი გაკეთებულა. არადა მრავალი წელია თემს გვპირდებიან, რომ გზა გენერალურად გააკეთდება. ვის მივმართოთ აღარ ვიცით" - აცხადებს ქერიაანთკარის მკვიდრი გიორგი ნადირაშვილი.
ქერიაანთკარი ლაფანაათკარის თემის სოფელია. ამავე თემშია გაწევრიანებული სოფლები: ლაფანაანთკარი, ძველი ოსები, ახალი ოსები, დავათი, კოშკასყელი, მაღრაანი, მწითურები, ნოჯიკეთი, ხიზნები, ნოჯა, აბანოსხევი. გზის პრობლემა დღეს ყველა ამ სოფელს აწუხებს.
განსაკუთრებული სიმწვავით კი წვიმიანობის პერიოდში. ზამთრობით კი მეტ წილად ამ სოფლებში გზა ფაქტობრივად დაკეტილი.