აფხაზი სეპარატისტები მოსკოვის მთავრობას სთავაზობენ მიმდინარე წელს ბავშვები დასასვენებლად ყირიმის ნაცვლას აფხაზეთში გააგზავნონ.
მოსკოვის მერის მოადგილე ლეონიდ პეჩატნიკოვი მიიჩნევს, რომ წელს, ბავშვების დასასვენებლად ყირიმში გაგზავნა არ ღირს, თუმცა აღნიშნავს, რომ ეს საკითხი საბოლოო მაინც მშობლების გადასაწყვეტია.
„ყველაფერი იმაზე იქნება დამოკიდებული თუ როგორ განვითარება სიტუაცია. ჩემი პირადი პოზიცია კი მდგომარეობს იმაში, რომ ყირიმში ბავშვების გაგზავნა ალბათ საჭირო არ არის",_ აცხადებს ის რუსულ მედიასთან საუბარში.
ამის საპასუხოდ აფხაზი სეპარატისტები აცხადებენ, რომ მოსკოველი ბავშვები შესაძლოა გაგრაში დასასვენებლად მიიღონ.
„ჩვენთან ყველაზე სუფთა ზღვაა შავი ზღვის სანაპიროზე, შესანიშნავია მთის ჰაერია და დიდებული ბუნება.
ჩვენ მზად ვართ დასასვენებლად მივიღოთ ბავშვები რუსეთიდან და მათთვის საინტერესო ტურისტული პროგრამის ორგანიზება მოვახდინოთ. გაგრას აქვს მრავალწლიანი გამოცდილება ბავშვების გართობის ორგანიზებისათვის",_ აცხადებს გაგრის ე.წ. ადმინისტრაციის უფროსი გრიგორი ენიკი.
