ადვოკატ გიორგი ონიანს ე.წ. მოდულის შენობაში ბრალი წაუყენეს.
ბაჩანა ახალაიას ადვოკატს გამოძიება სამი მუხლით ედავება: მტკიცებულებათა გაყალბება, უფლებამოსილების გადამეტება და დაკავება. გიორგი ონიანის ადვოკატ მალხაზ ველიჯანაშვილის განცხადებით, გამოძიებამ ერთი ბრალდება - სამსახურებრივი სიყალბე წინასწარ პატიმრობაში მყოფს უკვე მოუხსნა.
ველიჯანაშვილის თქმით, საგამოძიებო პროცესი დარღვევებით მიმდინარეობს, მისი განცხადებით, დაცვის მხარეს ამ დრომდე არ აძლევენ საქმის მასალებს. ამ დრომდე ასევე უცნობია, როდის იმსჯელებს სასამართლო წინასწარი აღმკვეთი ღონისძიების შეფარდების საკითხზე.
ბაჩანა ახალაიას ადვოკატი საკუთარ სახლში დააკავეს. წინასწარი დაკავების იზოლატორიდან კი ჩაფიძის კარდიოლოგიურ კლინიკაში ჯანმრთელობის გაუარესების გამო გადაიყვანეს. ჩაფიძის კარდიოლოგიური კლინიკიდან დაკავებული ე.წ. მოდულის შენობაში დააბრუნდეს, სადაც ის, პროტესტის ნიშნად, ამ დრომდე შიმშილობს.
