უკრანაში საშინელებები ხდება, რომლებიც ქვეყანასა და ხალხს დააზარალებს. აცხადებს აფხაზ სეპარატისტთა ლიდერი ალექსანდრე ანქვაბი გერმანულ გამოცემა „Die Zeit" თან საუბრისას. გამოცემა აღნიშნავს, რომ ეს ინტერვიუ 14 თებერვალს ჩაიწერა ანუ მანამდე ვიდრე უკრაინაში მდგომარეობა კიდევ უფრო გართულდებოდა.
ჟურნალისტის სიტყვებს იმის შესახებ, რომ მაიდანზე მშვიდობიანი დემონსტრანტები დგანან ანქვაბი უარყოფს და ამბობს: „ალბათ, თქვენ, იქ დასავლეთ ევროპაში ცუდად ხართ ინფორმირებული. სინამდვილეში იქ სულ სხვა რამე ხდება... ტელევიზიით აჩვენებენ ზღაპარს ან სამეცნიერო ფანტასტიკას, ხომ? როგორ უწოდებთ სიტუაციას, როდესაც სპეცდანაყოფების მებრძოლები იწვიან? ეს ძალადობა არ არის?".
აფხაზ სეპარატისტთა ლიდერი ასევე აცხადებს, რომ აფხაზეთისა და უკრაინის შედარება - არ შეიძლება: „ჩვენი ბრძოლა დამოუკიდებლობისათვის -სრული წინააღმდეგობაა იმისა რაც ახლა უკრაინაში ხდება. უკრაინას ვიღაც თავს დაესხა? არა! ჩვენ კი საქართველო დაგვესხა თავს და ომი ქართველებმა დაიწყეს".
ასევე მისი თქმით, აფხაზეთის მისწრაფებას სუვერენიტეტს აღიარების შესახებ უკრაინის მისწრაფებებთან შეინარჩუნოს დამოუკიდებლობა არავითარი საერთო არ აქვს.
„რუსეთმა და ზოგმა სხვა ქვეყანამ გვაღიარეს ჩვენ დამოუკიდებელ სახელმწიფოდ და ეს პროცესი გაგრძელდება. თქვენ მკითხეთ რატომ არ ვმონაწილეობთ ჩვენ ოლიმპიადაში. მიზეზი ევროპაშია, იმიტომ, რომ თქვენ არ გვაღიარებთ ჩვენ ერად.
უკრაინა დამოუკიდებელი სახელმწიფოა და არ მესმის რატომ და ვისგან დამოუკიდებლობას ითხოვს ის. ეს უკრაინელებმა თავად უნდა გადაწყვიტონ" - _ აცხადებს აფხაზ სეპარატისტთა ლიდერი.
გერმანული გამოცემის ჟურნალისტი ანქვაბთან საუბარში აღნიშნავს, რომ აფხაზეთი მთლიანად რუსეთზეა დამოკიდებული, მაგალითად ის სოჭის აეროპორტით სარგებლობს.
„აქედან 20 წუთის სავალზე არის ძალიან კარგი აეროპორტი, ბევრად უკეთესი იმაზე ვიდრე სოჭშია. გეტყვით, რატომ არ დაშვებულა იქ არც ერთი თვითმფრინავი. საქმე მხოლოდ იმაში მდგომარეობს, რომ ზოგ საერთაშორისო სტრუქტურას საქართველოს მეთაურობით არ სურს, რომ ამ აეროპორტის ექსპლუატირება მოხდეს და მხოლოდ ამიტომ ვსარგებლობთ ჩვენ სოჭის აეროპორტით".
საბედნიეროდ, - დასძენს ანქვაბი - აფხაზეთში არის კიდევ სარკინიგზო მიმოსვლა და საავტომობილო გზები.
ინფორმაციას იმის შესახებ, რომ აფხაზეთისა და სამხრეთ ოსეთის საზღვრები სოჭის ოლიმპიადასთან დაკავშირებით შეიცვალა ანქვაბი საქართველოს მიერ ევროპაში გავრცელებულ ზღაპარს უწოდებს.
მისი თქმით. „რუსეთისა და აფხაზეთს შორის საზღვარი მდინარე ფსოუზე გადის".
„ორივე მხრიდან არის უსაფრთხოების ზონა, რომელიც ასევე გაფართოვდა. იქ სპეციალური საშვით შეიძლება შეხვიდე.ოლიმპიადისათვის ეს ზონა 11 კმ-ით გაფართოვდა. ესაა და ეს. ჩვენ უბრალოდ ხელს ვუწყობთ იმას, რომ ოლიმპიური თამაშები უსაფრთხოდ ჩატარდეს", _ აცხადებს ანქვაბი და დასძენს: „საწყალო ევროპელებო, მეცოდებით, ზრდასრული ხალხი ხართ და ჯერ კიდევ ზღაპრების გჯერათ".
ამასთან ერთად, აფხაზ სეპარატისტთა ლიდერი საქართველოსთან სამშვიდობო ხელშეკრულების ხელმოწერას არ გამორიცხავს, თუმცა მისი თქმით, ამისათის საქართველომ აფხაზეთის პირობა უნდა მიიღოს.
„ომის ხანგრძლოვი პერიოდის შემდეგ ჩვენ საქართველოსთან სამშვიდობო ხელშეკრულების გაფორმება გვსურს, ეს ჩვენთის ყველაზე მნიშვნელოვანია. ჩვენ გვსურს ჟენევის პროცესის გაგრძელება ევროპელ და რუს შუამავლებთან ერთად, მაგრამ ამისათვის რა თქმა უნდა საქართველომ ჩვენი წინადადება უნდა მიიღოს",_ აცხადებს აფხაზ სეპარატისტთა ლიდერი.
