დღეს, 20 თებერვალს 16:00 საათზე, სასტუმრო „Radisson Blu Iveria"-ში საქართველოს ეროვნული საინვესტიციო სააგენტოს ორგანიზებით და საქართველოს საგარეო საქმეთა სამინისტროს მხარდაჭერით ქართულ-გერმანული ბიზნეს შეხვედრა გაიმართება.
აღნიშნული ღონისძიებას საქართველოში ორდღიანი ვიზიტით მყოფი ევროკავშირის ევროკომისარი ენერგეტიკის საკითხებში გიუნტერ ოტინგერი და საგარეო საქმეთა მინისტრი მაია ფანჯიკიძე გახსნიან.
ბიზნეს შეხვედრას დაესწრებიან წამყვანი ქართული და გერმანული კომპანიების წარმომადგენლები. გერმანიის ბიზნეს-დელეგაციაში შედიან ისეთი საერთაშორისო კომპანიების ხელმძღვანელი პირები როგორებიცაა HeidelbergCement-ი, Deutsche Bahn (DB) International-ი, Siemens AG-ი, Deutsche Bank-ი და ა.შ.. შეხვედრაზე გერმანელი და ქართველი ბიზნესის წარმომადგენლები განიხილავენ სხვადასხვა საინვესტიციო პროექტების განხორციელებისა და პარტნიორობის შესაძლებლობებს.
აღნიშნულ ღონისძიებას ბიზნესის წარმომადგენლებთან ერთად ასევე დაესწრებიან გერმანიის ეკონომიკური გაერთიანების, საპარტნიორო ფონდისა და საქართველოს თანაინვესტირების ფონდის წარმომადგენლები.
