ყოფილი პრემიერი ვანო მერაბიშვილი ქუთაისის საქალაქო სასამართლოს მიერ გამოტანილ განაჩენს ეხმიანება. როგორც მერაბიშვილმა 26 მაისის საქმეზე მიმდინარე პროცესზე განაცხადა თავიდანვე ქუთაისის სასამართლოში დაცვის განხორციელება უაზრობა იყო.
,,თავიდანვე ვიყავი განწყობილი და ადვოკატებსაც ვარწმუნებდი, რომ ქუთაისის სასამართლოში დაცვის განხორციელება უაზრობა იყო. გუშინ ქუთაისის სასამართლომ დიდი თეთრი ალამი აღმართა სასამართლოს შენობის თავზე. საზოგადოების ნაწილი მაინც მიიჩნევს, რომ თბილისის საქალაქო სასამართლო გარკვეულად ინარჩუნებს დამოუკიდებლობას. თქვენ ღმერთმა გარგუნათ ეს ტესტი, რომ ზეწოლას გაუძლოთ. ვიმედოვნებ, რომ ჩემს ადვოკატებს მიეცემათ საშუალება, ჩემი უდანაშაულობა დაასაბუთონ. იმედი, მაქვს, რომ დარჩა თუნდაც ეს შენობა, რომელიც ივანიშვილის საკუთრება ჯერ არ გამხდარა", - მიმართა მოსამართლეს მერაბიშვილმა.
შეგახსენებთ, რომ ქუთაისის საქალაქო სასამართლომ ე.წ. დასაქმების ეპიზოდზე ვანო მერაბიშვილს ხუთი წლით თავისუფლების აღკვეთა მიუსაჯა.
