2013 წლის მონაცემებით, საქართველოდან ციტრუსის ექსპორტი გაზრდილია. სტატისტიკური ინფორმაციის მიხედვით, 2013 წელს საქართველოდან 20 187,7 ათასი დოლარის ღირებულების 37 936,7 ტონა ციტრუსის ექსპორტი განხორციელდა, მაშინ როდესაც 2012 წელს საქართველოდან გატანილია 7 669,8 ათასი დოლარის ღირებულების 17 129,0 ტონა ციტრუსის ნაყოფის ექსპორტია განხორციელებული. სტატისტიკური ინფორმაციის მიხედვით, ციტრუსის ექსპორტის მხრივ, საქართველოს ნომერ პირველი საექსპორტო ქვეყანა უკრაინაა, სადაც 2013 წელს 9 195,0 ათასი დოლარის ღირებულების 20 607,5 ტონა ციტრუსი გაიტანეს. ციტრუსის ექსპორტისთვის, 2013 წლის მონაცემებით, მნიშვნელოვანი ბაზარი აღმოჩნდა ასევე რუსეთიც, სადაც 12088,4 ტონა ციტრუსია ექსპორტირებული. აღსანიშნავია ისიც, რომ 2012 წელს რუსეთში სულ 19,3 ტონა ციტრუსის ექსპორტია დაფიქსირებული.