თავდაცვის ყოფილი მინისტრის დავით კეზერაშვილის სასამართლო პროცესი საფრანგეთსა და საქართველოში დღეს ერთმანეთის პარალელურად გაიმართება. ფრანგული სასამართლო კეზერაშვილის სამშობლოში ექსტრადაციის საკითხს განიხილავს.
ყოფილი მინისტრის ინტერესებს სასამართლოში უცხოელი ადვოკატები დაიცავენ.
თბილისის საქალაქო სასამართლოში დაგეგმილი პროცესი კი "იმედის" გასხვისების საქმეს შეეხება. აღნიშნულ ეპიზოდზე, თავდაცვის ყოფილ მინისტრთან ერთად, ბრალი გიგი უგულავასაც აქვს წაყენებული. პროცესზე ბრალდების მხარის მოწმეები დაიკითხებიან.
შეგახსენებთ, რომ საქართველოს თავდაცვის ექსმინისტრი ამ დრომდე მარსელის წინასწარი დაკავების საკანშია მოთავსებული. ის საფრანგეთში 2013 წლის 14 ოქტომბერს დააკავეს.
მასალის გამოყენების პირობები
