27 დეკემბრიდან მიმოქცევაში გავა ახალი 5 ლარის და 50 ლარის ნომინალების ბანკნოტები. როგორც სებ-ის საბჭოს თავმჯდომარის გიორგი ქადაგიძის №4 დადგენილებაშია აღნიშნული, „27 დეკემბრიდან მიმოქცევაში გაშვებულ იქნეს 2013 წლის გამოშვების 5 ლარის და 50 ლარის ნომინალების ბანკნოტები, როგორც კანონიერი საგადამხდელო საშუალება 2011 წლის გამოშვების იგივე ნომინალების ბანკნოტების იდენტური დიზაინისა და სხვა მახასიათებლების მიხედვით, გამოშვების წლით „2013", საქართველოს ფინანსთა მინისტრის ხელმოწერის ცვლილების გათვალისწინებით".
როგორც ირკვევა, 2013 წლის გამოშვების 5 ლარის და 50 ლარის ნომინალების ბანკნოტებისმიმოიქცევა წინა წლების გამოშვების იგივე ნომინალების ბანკნოტების პარალელურად მოხდება.
სებ-ის ინფორმაციით, ახალი ბანკნოტები მიმოქცევაში ძველი, მიმოქცევისათვის უვარგისიკუპიურების სანაცვლოდ მოხდება. აღნიშნული პროცესი ჩვეულებრივი მოვლენაა და ის მიზნად ქვეყნის ეკონომიკის ნაღდი ფულით მომარაგებას ითვალისწინებს. თავის დროზე კი ემისია გამომდინარეობდა მაკრო-ეკონომიკური საპროგნოზო გათვლებიდან და პროცესი დაწყებულია 2012 წლის ივლისში, ჯერ კიდევ ალექსანდრე ხეთაგურის ფინანსთა მინისტრობის დროს. შესაბამისად ახალ ბანკნოტებზე ალექსანდრე ხეთაგურის ფაქსიმილიაა.