თბილისში ოფიციალური ვიზიტით ერევნის დელეგაცია იმყოფება. დღეს, თბილისის მერი გიგი უგულავა ერევნის მერთან ერთად, ავლაბარში მდებარე სომხურ ეკლესიაში იმყოფებოდა, რის შემდეგაც გიგი უგულავამ და ტარონ მარქარიანმა ფონიჭალაში მდებარე მინის გადამამუშავებელი საწარმო დაათვალიერეს.
საერთაშორისო სტანდარტების შესაბამისი და თანამედროვე ტექნიკით აღჭურვილი საამქრო ქართულ-სომხური ინვესტიციით შეიქმნა. საწარმო მაღალი ხარისხის პროდუქციით ადგილობრივ ბაზარს ამარაგებს. საწარმოში 100 ადამიანია დასაქმებული.
დღესვე თბილისის მერმა სომეხ კოლეგას განახლებული ძველი თბილისი დაათვალიერებინა.
