დონეცკიდან კიევში უკრაინის პრეზიდენტის კურსის მხარდამჭრების მატარებელი დაიძრა. უკრაინული მედიის ინფორმაციით, ინფორმაცია ამის შესახებ დონეცკის საქალაქო საბჭოს ხელმძღვანელმა სერგეი ბოგაჩოვმა გაავრცელა.
მისი თქმით, მხოლოს ქალაქ დონეცკიდან კიევში 500 ადამიანი გაემგზავრა. ესენი არიან სტუდენტები, შახტიორები, დაწესებულებების თანამშრომლები და პენსიონერები. ამავე დროს, „რეგიონების პარტიის" დონეცკის რაიონული ორგანიზაციის პრესსამსახურმა გაავრცელა ინფორმაცია იმის შესახებ, რომ პრეზიდენტ იანუკოვიჩის მხარდამჭერები საკვებით უზრუნველყოფილნი იქნებიან და ისინი კიევში სპეციალურად ამისათვის შეკვეთილი მატარებლით გაემგზავრებიან. მატარებლის საფასური „რეგიონების პარტიის" საოლქო ორგანიზაციამ გადაიხადა.
ამავე დროს ვრცელდება ინფორმაცია, რომ იანუკოვიჩის მხარდამჭერები კიევში დნეპროპეტროვსკიდანაც მიემართებიან.
ოპოზიციის ერთ ერთი ლიდერი არსენი იაცენიუკი აცხადებს, რომ „ხელისუფლებას ხალხი კიევში იმიტომ ჩამოჰყავს, რომ სამოქალაქო კონფლიქტის დაიწყოს, საგამგებო მდგომარეობა გამოაცხადოს, შემოიყვანოს ჯარი, „ბერკუტი" და დაშალოს მაიდანი".