შეერთებულ შტატებში საქართველოს ელჩი დავით ბაქრაძე საქართველოს პრემიერ-მინისტრისადმი გამოგზავნილ კონგრესმენთა კრიტიკულ წერილს აფასებს და თვლის, რომ ამ წერილების ტონი აბსოლუტურად მიუღებელია.
აღნიშნულთან დაკავშირებით დავით ბაქრაძე ტელეკომპანია "იმედს" ესაუბრა.
დავით ბაქრაძის განცხადებით, წერილის შინაარსი კომპანია "ფრონტერასა" და "საქართველოს გაზისა და ნავთობის კორპორაციას" შორის არსებული სამართლებრივი დავიდან მომდინარეობს.
"ეს შეეხება კონკრეტულად კომპანია "ფრონტერას" და იმ სამართლებრივ დავას, რომელიც საქართველოს ნავთობისა და გაზის კორპორაციას გააჩნია უკვე წლების განმავლობაში "ფრონტერასთან".
ის ტონი, რომლითაც "ფრონტერას" მხარდამჭერი კონგრესმენები აშშ-ის სტრატეგიული პარტნიორი სახელმწიფოს პრემიერ-მინისტრს მიმართავენ, არის აბსოლუტურად მიღებელი", - აცხადებს საქართველოს ელჩი.
ბაქრაძის ვარაუდით, კონგრესმენებს საკუთარი ინტერესი აქვთ, მხარი დაუჭირონ ამ კომპანიას აღნიშნულ დავაში.
"ამ კონგრესმენებს აქვთ თავიანთი ინტერესი, რომ მხარი დაუჭირონ კომპანიას, რომელიც არის სამართლებრივ დავაში. ის ხალხი, ვინც ამ ინფორმაციას აწვდის აშშ-ის წარმომადგენელთა პალატის წევრებს, ძალიან უხერხულობაში აყენებენ სწორედ მათ, რადგან ისინი გარკვეულ არაზუსტ ინფორმაციაზე აწერენ ხელს.
გადაუჭარბებლად შემიძლია ვთქვა, რომ ძალიან გახსნილები და ყოველთვის ჩართულები ვართ კონგრესთან კომუნიკაციაში", - თვა დავით ბაქრაძე.
