"ქართული მარშის" ლიდერი სანდრო ბრეგაძე ამბობს, რომ ფილმის, "და ჩვენ ვიცეკვეთ" საქართველოს კინოთეატრებში ჩვენებას არ დაუშვებს. ამის შესახებ ბრეგაძემ მეტიაცენტრ "მთავარში" გამართულ პრესკონფერენციაზე თქვა. მისი თქმით, 8 ნოემბერს, როდესაც ფილმის ჩვენებაა დაგეგმილი, მარშის წევრები კინოთეატრების შესასვლელების ბლოკირებას მოახდენენ.
ბრეგაძემ საპატრიარქოს მიმართა და ამ ფილმთან დაკავშირებით მკაფიო აზრის დაფიქსირებისკენ მოუწოდა.
"ჩვენ კატეგორიულად არ დავუშვებთ მამათმავლური პროპაგანდის პორნო ფილმის პრეზენტაციას საქართველოს დედაქალაქში. მთელს საქართველოში. 8 ნოემბერს, ჩვენ ჩავშლით ამ ჩვენებას, რადგან ეს არის ჩვენი მოვალეობა და მე ვფიქრობ ესაა თითოეული ქართველის მოვალეობა, ესაა ჩვენი მუსლიმი ძმების და სხვა რელიგიური აღმსარებლების მოვალეობა, რომ არ დაუშვან ამ სიბილწის და გარყვნილების ჩვენება საქართველოს კინოთეატრებში. მოხდება კინოთეატრების ბლოკირება. ეს იქნება მშვიდობიანი ფორმა და ამ მშვიდობიანი ფორმით არ დავუშვებთ შევიდნენ კინოთეატრში", - ამბობს ბრეგაძე.