ექსპერტმა ლევან ნიკოლეიშვილმა ტელეკომპანია იმედის ეთერში 20-21 ივნისის ღამეს განვითარებული მოვლენები შეაფასა.
,,წარმოიდგინეთ ერთი ქვეყანა მაინც, თუნდაც ისრაელი, ვინმემ ოპოზიციურად განწყობილმა ადამიანმა რომ ქნესეთის შენობის აღება თუნდაც მშვიდობიანი გზით დაანნონსოს - წარმოიდგინეთ რომ ვინმემ გადაწყვიტოს კონგრესის შენობაში შესვლა პროტესტის გამოსახატად თუნდაც მშვიდობიანი გზით - ესეც ხომ წარმოუდგენელია - ან საფრანგეთში, ან ბრიტანეთში როგორ უპასუხებს მათ სახელმწიფო. სახელმწიფომ ამ შემთხვევაში ადეკვატურად იმოქმედა სწორედ ამ კანონსაწინააღმდეგო ქმედების წინააღმდეგ“.’’ - განაცხადა ანალიტიკოსმა გადაცემა ,,პირისპირის“ ეთერში
ნიკოლეიშვილმა პარალელები აგვისტოს ომის დროს ნაციონალური მოძრაობის ლიდერების ქცევასთანაც გაავლო და აღნიშნა, რომ ნაციონალური მოძრაობა არასანდო ძალაა რადგან მის ლიდერებს ზოგადად ჩვევიათ ჯერ დესტაბილიზაციის გამოწვევა, შემდეგ კი გაქცევა და უბრალო მოქალაქეების შეტოვება არეუობაში.
,,გაიხსენეთ ამ ლიდერების მოქმედება და შეადარეთ 2008 ომის ბოლო დღეებს, როგორ მოიქცნენ ისინი. დაშავდა მშვიდობიანი, აბსოლუტურად უდანაშაულო ადამიანები, რაზეც გამოძიება მიმდინარეობს მიტინგის შემდეგ. და სად იყვნენ ლიდერები? - ჩვენ ვნახეთ რომ სადღაც დილის 6 საათზე გამოჩნდნენ ეს ადამიანები თეთრ პერანგებში -სისხლის წვეთი კი არა პატარა ტალახის ნამცეციც არ ჰქონდათ. როგორც ჩვევიათ, მათ შეძლეს დროულად გამოცლოდნენ მიტინგს - როგორც კი საფრთხეს გრძნობენ, პირად საფრთხეზეა აქ საუბარი, ისინი, როგორც წესი, ეცლებიან და ტოვებენ უბრალო ადამიანებს. ამიტომ არის ეს ძალა მტრული და არასანდო ძალა. ‘’ - განაცხადა ნიკოლეიშვილმა.
