ევროსაბჭოს საპარლამენტო ასამბლეამ რუსეთის დელეგაცია ივნისის სესიაში მონაწილეობისთვის მიიწვია. შესაბამისი რეზოლუცია ასამბლეამ ცხრასაათიანი განხილვის შემდეგ მიიღო.

ქვეყნები, რომელთა დელეგაციებმაც რუსეთის ევროსაბჭოს საპარლამენტო ასამბლეაში დაბრუნებას მხარი სრულად დაუჭირეს:

ირლანდია;

ნორვეგია;

პორტუგალია;

ესპანეთი;

საფრანგეთი;

იტალია;

ავსტრია;

სლოვაკეთი;

ისლანდია;

სერბეთი;

თურქეთი;

აზერბაიჯანი;

კვიპროსი;

ქვეყნები, რომელთა დელეგაციებმაც რუსეთის ასამბლეაში დაბრუნებაზე კატეგორიული უარი განაცხადეს:

ლიეტუვა;

ლატვია;

ესტონეთი;

უკრაინა;

საქართველო;

საბოლოოდ, პარლამენტარებმა რეგლამენტში ცვლილება შეიტანეს, რომელიც რუსეთს შესაძლებლობას აძლევს ორგანიზაციაში დაბრუნდეს.

"წევრების ხმის მიცემის, ასამბლეაში გამოსვლისა და წარმომადგენლების ყოლის უფლება მის ორგანოებში არ შეჩერდება და არ ანულირდება“, - ნათქვამია დოკუმენტის ტექსტში.

აღნიშნულია, რომ ძირითადი უფლებები არ ექვემდებარება არანაირ სანქციებს. თუმცა ნარჩუნდება დელეგაციის უფლებამოსილების დავის შესაძლებლობა.

ცვლილებას მხარი 190-დან 118-მა დეპუტატმა დაუჭირა, 62-მა წინააღმდეგ მისცა ხმა, 10-მა კი თავი შეიკავა.

საქართველოს, უკრაინისა და ბრიტანეთის დელეგაციებმა რეზოლუციაში 222 შესწორება შეიტანეს, თუმცა ევროსაბჭოს საპარლამენტო ასამბლეამ მხოლოდ ერთი მიიღო.

ასამბლეის სხდომაზე საქართველოსა და უკრაინის დელეგაციის წევრებმა ევროსაბჭოს საპარლამენტო ასამბლეაში რუსეთის უფლებამოსილების აღდგენის წინააღმდეგ მწვავე განცხადებები გააკეთეს და პროტესტის ნიშნად დატოვეს ასამბლეის სხდომა.