გურამ ფალავანდიშვილი გათავისუფლეს სასამართლო დარბაზიდან დღეს გაათავისუფლეს. მისი სასამართლო პროცესი 5 ივლისამდე გადაიდო.
ფალავანდიშვილის ადვოკატის მოთხოვნით, ის ადმინისტრაციული პატიმრობიდან დროებით გათავისუფლების. მისმა ადვოკატმა საქმის მასალების გაცნობის მიზნით დააყენა შუამდგომლობა სხდომის 10 დღით გადადების შესახებ.
საქართველოს შინაგან საქმეთა სამინისტროს წარმომადგენლები სხდომის 10 დღით გადადების შუამდგომლობაზე დაცვის მხარეს არ დაეთანხმა. მოსამართლე ნათია ტოგონიძის გადაწყვეტილებით, ფალავანდიშვილის ადვოკატის შუამდგომლობა დაკმაყოფილდა.
ამასთან, გურამ ფალავანდიშვილის განცხადებით, ვერის ბაღში მიმდინარე აქციას დღესვე შეუერთდება. მისივე თქმით, პოლიციისთვის არ შეუგინებია და სამართალდარღვევა ოქმში ჩაუწერეს.
„ყოფილა შემთხვევები, როდესაც დასაკავებელი ვყოფილვარ, მაგრამ ახლა მითხრეს, გადააყენე მანქანაო და გადავაყენე, უწყება გვაქვსო და დამაკავეს. დამიწერეს, რომ ვითომ პოლიციას შევაგინე. ოქმისთვის ხელი არ მომიწერია. მინდა, ხალხს მოვუწოდო, გამოვიდეს ქუჩაში და არ დაუშვას გარყვნილების პროპაგანდა. რა მიზანი ჰქონდა ჩემს განრიდებას არ ვიცი, ხალხი მაინც გამოვა და ჩამოვა რეგიონებიდან, რომ ლგბტ-პრაიდი ჩაიშალოს. ჩვენ ომს არ ვაპირებთ, უბრალოდ გვინდა, ჩაიშალოს ეს პროპაგანდა“, – განაცხადა გურამ ფალავანდიშვილმა.
შეგახსენებთ, ფალავანდიშვილმა სამართალდამცველებს წინააღმდეგობა გაუწია და სიტყვიერი შეურაცხყოფა მიაყენა. პოლიციამ ის ადმინისტრაციულ სამართალდარღვევათა კოდექსის 173-ე მუხლით დააკავა, რაც პოლიციელის კანონიერი მოთხოვნისადმი დაუმორჩილებლობას გულისხმობს.