თბილისში, წმინდა ნიკოლოზის სახელობის ეკლესიის მიმდებარე ტერიტორიაზე დაჭრილი მამაკაცის ჯანმრთელობის მდგომარეობა მძიმეა.
დაჭრილის ერთ-ერთი ნათესავის თქმით, ნოდარ ვარძელაშვილს დაახლოებით 5 საათზე უცნობი პირი დაესხა თავს და ფული მოსთხოვა. მისივე თქმით, დაჭრილი დეზერტირების ბაზარში ვაჭრობდა.
„ბიძაჩემს გამთენიისას, დაახლოებით 5 საათზე უცნობი პირი დაესხა თავს და ფული მოსთხოვა. როგორც ჩვენ ვიცით, ფული არ მისცა, რის შემდეგად თავდამსხმელმა ესროლა“, – განაცხადა დაზარალებულის ნათესავმა.
დაჭრილს ღვიძლი და თირკმელი აქვს დაზიანებული. მას ოპერაცია უკვე ჩაუტარდა.
ცნობისთვის, მომხდარზე გამოძიება განზრახ მკვლელობის მცდელობისა და იარაღის უკანონო ტარების მუხლებით მიმდინარეობს.
