სათამაშო ბიზნესის წარმომადგენლები სათამაშო ბიზნესის მოსაკრებლის გაზრდას და ცვლილების ამოქმედების ვადას აპროტესტებენ. ამის შესახებ უკმაყოფილება სათამაშო ბიზნესის წარმომადგენლების მხრიდან დღეს პარლამენტში საფინანსო საბიუჯეტო კომიტეტის სხდომაზე გაკეთდა, სადაც "სათამაშო ბიზნესის მოსაკრებლის შესახებ" კანონში ცვლილებების შეტანის პროექტი მეორე მოსმენით განიხილეს.
ცვლილების თანახმად, თითოეულ სათამაშო აპარატზე მოსაკრებლის რაოდენობა იზრდება და განისაზღვრება 1500-დან 3000 ლარამდე. ხოლო ტოტალიზატორზე, ბინგოსა და ლოტოს თითოეულ სალაროზე გადასახდელი კვარტალში იქნება 3 750 ლარიდან 7500 ლარამდე. ამასთან მოსაკრებლის ოდენობას აღნიშნულ ფარგლებში განსაზღვრავს თვითმმართველობა.
აღსანიშნავია რომ მთავრობის ამ ინციატივას სათამაშო ბიზნესის წარმომადგენლები აპროტესტებენ იმ არგუმენტით, რომ მოსაკრებლის 2,5-ჯერ გაზრდა აღნიშნული ბიზნესის დახურვას გამოიწვევს.
სწორედ ამიტომ ისინი ითხოვენ, რომ მოსაკრებლის რაოდენობა არ აღემატოს 1500 ლარს თითოეულ სათამაშო აპარატზე. ხოლო ტოტალიზატორზე ბინგოსა და ლოტოს თითოეულ სალაროზე 3500 ლარს კვარტალში. თუმცა აღნიშნულთან დაკავშირებით მთავრობის მხრიან არანაირი პოზიცია არ დაფიქისრებულა. ფინანსთა მინისტრის მოადგილე ირაკლი სირაძემ, მხოლოდ ის აღნიშნა, რომ ამ ცვლილებით სახელწიფო ბიუჯეტის შემოსავლები მნიშვნელოვნად გაიზრდება. მისი თქმით თუ აქამდე წლიური შემოსავალი ამ მოსაკრებლით შეადგენდა 25 მილიონ ლარს მომავალში მოსალოდენელია მისი 33 მილიონ ლარამდე გაზრდა.
გარდა ამისა, სათამაშო ბიზნესის წარმომადგენლები უკმაყოფიელბას გამოთქვამენ თავად ამ ცვლილების ამოქმედების ვადაზე. კანონპროექტის მიხედვით ცვლილებებია ამოქმედდება 2010 წლის 1 სექტემბრიდან. თუმცა სათამაშო ბიზნესის წარმომადგენლები აცხადებენ, რომ ცვლილებების სამოქმედებლად გარკვეული ვადაა საჭირო და ითხოვენ, რომ კანონპროექტი 2011 წლის 1 იანვრამდე მაინც არ ამოქმედდეს. ამ საკითხთან დაკავშირებით მთავრობასთან გაიმართება კონსულტაციები და ამოქმედების კონკრეტული ვადა კანონპროექტის საბოლოოდ მიღებისას განისაზღვრება.