მთავრობის გასვლითი სხდომის ფარგლებში, რუსთავში ეკონომიკური განვითარების მინისტრი ზურაბ პოლოლიკაშვილი და ფინანსთა მინისტრი კახა ბაინდურაშვილი ბიზნესმენებს შეხვდნენ.
ფინანსთა მინისტრმა შეხვადრაზე საგადასახადო კოდექსში დაგეგმილ ცვლილებებზე გაამახვილა ყურადღება. მისი თქმით, ცვლილებებთან დაკავშირებით მეწაერმეებთან და ბიზნესის წარმომადგენლებთან შეხვედრებია დაგეგმილი. ბაინდურაშვილის განმარტებით, ცვლილებების დიდი ნაწილი მცირე და საშუალო ბიზნესის მდგომარეობის გაუმჯობესებისკენაა მიმართული.
ბიზნესმენების მხრიდან კი, საბაჟოზე არსებული პრობლემების საკითხი დაისვა. ეკონომიკის მინისტრს, მეწამრეებმა ეკონომიკურ სფეროში არსებული პრობლემების გადაჭრის მიზნით, სამინისტროში ცალკე სამსახურის შექმნა სთხოვეს.
პოლოლიკაშვილის განმარტებით კი, ეკონომიკის სამინისტროში მალე საინფორმაციო ცენტრი გაიხსნება, რომელიც არსებულ პრობლემებთან და სხვა საინტერესო საკითხთან დაკავშირებით წერილები მიიღება. ცენტრში სხვადასხვა სფეროზე პასუხისმგებელი პირები იმუშავებენ.
