საქართველოში ლარში სესხების გაცემის გაზრდა 2010-11 წლებისთვის ეროვნული ბანკის ერთ-ერთი მთავარი პრიორიტეტია. ამის შესახებ ბიზნეს ასოციაციის საფინანსო კომიტეტის პრეზენტაციაზე, ეროვნული ბანკის ვიცე-პრეზიდენტმა არჩილ მესტვირიშვილმა განაცხადა.
მისი თქმით, ეროვნულ ბანკში სავარუდოდ, მაისში სემინარი გაიმართება, სადაც კონკრეტულად იქნება საუბარი იმაზე თუ რა ინსტრუმენტები არსებობს გაცვლითი კურსის რიკისგან თავის დასაცავად, რა როლი ენიჭება მონეტარული პოლიტიკის განაკვეთს და რამდენად დადებითია მონეტარული პოლიტიკის დაბალი განაკვეთი.
მისი თქმით, მიმდინარე მუშაობა იმაზეც, რომ საბანკო სექტორს ლარში სესხების გაცემისთვის რესურსები გაუჩნდეთ.
ამასთან, მისი თქმით, ძალიან მნიშვნელოვანია ეროვნულ ვალუტაში არამხოლოდ სესხის გაცემა, არამედ დეპოზიტების ლარში არსებობაც, თუმცა, ამისთვის, მენტალური ცვლილებებია საჭირო.
ეროვნული ბანკის მონეტარული პოლიტიკის კომიტეტის 17 მარტის გადაწყვეტილებით, მონეტარული პოლიტიკის განაკვეთი 5 პროცენტს შეადგენს.
