ჟენევის მოლაპარაკებებსა და ინციდენტების პრევენციის ჯგუფის შეხვედრაში თანათავმჯდომარის სტატუსით ყაზახეთიც ჩაერთვება.
ამის შესახებ საქართველოს საგარეო საქმეთა მინისტრმა გრიგოლ ვაშაძემ ეუთოს მოქმედ თავმჯდომარესთან, ყაზახეთის კოლეგა მინისტრ კანად საუდაბაიევთან შეხვედრის დასრულების შემდეგ გამართულ პრესკონფერენციაზე განაცხადა.
"შეხვედრაზე კანად საუდაბაიევმა გაგვაცნო თავისი ხედვა, თუ როგორ აპირებს ეუთო ჩაერთოს კონფლიქტის მოგვარებაში. გადაწყდა, რომ ჟენევის მოლაპარაკებებსა და ინციდენტების პრევენციისა და მათზე რეაგირების ჯგუფის, გალის შეხვედრაში ყაზახეთის ჩაერთვება", - განაცხადა ვაშაძემ.
მისივე განმარტებით, განხილვის ერთ-ერთი თემა ოკუპირებული ტერიტორიების შესახებ საქართველოს სახელმწიფო სტრატეგიაც იყო.
შეგახსენებთ, რომ ეუთოს მოქმედი თავმჯდომარე თბილისში გუშინ ჩამოვიდა. მან ოფიციალური შეხვედრები დღეიდან დაიწყო. ვაშაძესთან შეხვედრამდე მან მოლაპარაკებები ოპოზიციის წარმომადგენლებთან გამართა, ამ წუთებში კი საქართველოს პარლამენტში იმყოფება, სადაც
კანად საუდაბაიევს დავით ბაქრაძე მიიღებს.